(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.348. అధ్యాయః 348
Mahabharata - Shanti Parva - Chapter Topics
శ్వేతద్వీపస్థేన హరిణా నారదంప్రతి స్వదశావతారచరిత్రకథనం॥ 1॥
Mahabharata - Shanti Parva - Chapter Text

భీష్మ ఉవాచ। 12-348-0x(6585)(79689)
నారదః పరిప్రపచ్ఛ భగవంతం జనార్దనం।
ఏకార్ణవే మహాఘోరే నష్టే స్థావరజంగమే। 12-348-1(79690)
శ్రీభగవానువాచ। 12-348-2x(6586)
శృణు నారద తత్వేన ప్రాదుర్భావాన్మహామునే।
మత్స్యః కూర్మో వరాహశ్చ నరసింహోఽథ వామనః।
రామో రామశ్చ రామశ్చ బుద్ధః కల్కీతి తే దశ॥ 12-348-2(79691)
పూర్వం మీనో భవిష్యామి స్థాపయిష్యాంయహం ప్రజాః।
లోకాన్వై ధారయిష్యామి మజ్జమానాన్మహార్ణవే॥ 12-348-3(79692)
ద్వితీయః కూర్మరూపో మే హేమకూటనిభః స్మృతః।
మందరం ధారయిష్యామి అమృతార్థం ద్విజోత్తమ॥ 12-348-4(79693)
మప్రాం మహార్ణవే ఘోరే భారాక్రాంతాం భువం పునః।
తతో బలాదహం విద్వన్సర్వభూతహితాయ వై॥' 12-348-5(79694)
సత్వైరాక్రాంతసర్వాంగాం నష్టాం సాగరమేఖలాం।
ఆనయిష్యామి స్వం స్థానం వారాహం రూపమాస్థితః।
హిరణ్యాక్షం హనిష్యామి దైతేయం బలగర్వితం॥ 12-348-6(79695)
నారసింహం వషుః కృత్వా హిరణ్యకశిషుం పునః।
సురకార్యే హనిష్యామి యజ్ఞఘ్నం దితినందనం॥ 12-348-7(79696)
విరోచనస్య బలవాన్బలిః పుత్రో మహాసురః।
అవధ్యః సర్వలోకానాం సదేవాసురరక్షసాం।
భవిష్యతి స శక్రం చ స్వరాజ్యాచ్చ్యావయిష్యతి॥ 12-348-8(79697)
త్రైలోక్యేఽపహృతే తేన విముఖే చ శచీపతౌ।
అదిత్యాం ద్వాదశః పుత్రః సంభవిష్యామి కశ్యపాన్॥ 12-348-9(79698)
`వటుర్గత్వా యజ్ఞసదః స్తూయమానో ద్విజోత్తమైః।
యజ్ఞస్తుతిం కరిష్యామి శ్రుత్వా ప్రీతో భవేద్వలిః॥ 12-348-10(79699)
కిమిచ్ఛసి వటో బ్రూహీత్యుక్తో యాచే మహద్వరం।
దీయతాం త్రిపదీమాత్రమితి యాచే మహాఽఽసురం॥ 12-348-11(79700)
స దద్యాన్మయి సంప్రీతః ప్రతిషిద్ధశ్చ మంత్రిభిః।
యావజ్జలం హస్తగతం త్రిభిర్విక్రమణైర్యుతం॥' 12-348-12(79701)
తతో రాజ్యం ప్రదాస్యామి శక్రాయామితతేజసే।
దేవతాః స్థాపయిష్యామి స్వస్వస్థానేషు నారద॥ 12-348-13(79702)
బలిం చైవ కరిష్యామి పాతాలతలవాసినం।
దానవం చ బలిశ్రేష్ఠమబధ్యం సర్వదైవతైః॥ 12-348-14(79703)
త్రేతాయుగే భవిష్యామి రామో భృగుకులోద్వహః।
క్షత్రం చోత్సాదయిష్యామి సమృద్ధబలవాహనం॥ 12-348-15(79704)
సంధౌ తు సమనుప్రాప్తే త్రేతాయాం ద్వాపరస్య చ।
రామో దాశరథిర్భూత్వా భవిష్యామి జగత్పతిః॥ 12-348-16(79705)
త్రితోపఘాతాద్వైరూప్యమేకతోఽథ ద్వితస్తథా।
ప్రాప్స్యేతే వానరత్వం హి ప్రజాపతిసుతావృషీ॥ 12-348-17(79706)
తయోర్యే త్వన్వయే జాతా భవిష్యంతి వనౌకసః।
మహాబలా మహావీర్యాః శక్రతుల్యపరాక్రమాః। 12-348-18(79707)
తే సహాయా భవిష్యంతి సురకార్యే మమ ద్విజ॥
తతో రక్షఃపతిం ఘోరం పులస్త్యకులపాంసనం।
హనిష్యే రావణం రౌద్రం సగణం లోకకంటకం॥ 12-348-19(79708)
` విభీషణాయ దాస్యామి రాజ్యం తస్య యథాక్రమం
అయోధ్యావాసినః సర్వాన్నేష్యేఽహం లోకమవ్యయం॥' 12-348-20(79709)
ద్వాపరస్య కలేశ్చైవ సంధౌ పార్యవసానికే।
ప్రాదుర్భావః కంసహేతోర్మథురాయాం భవిష్యతి॥ 12-348-21(79710)
తత్రాహం దానవాన్హత్వా సుబహూందేవకంటకాన్।
కుశస్థలీం కరిష్యాసి నివాసం ద్వారకాం పురీం॥ 12-348-22(79711)
వసానస్తత్ర వై పుర్యామదితేర్విప్రియంకరం।
హనిష్యే నరకం భౌమం మురం పీఠం చ దానవం॥ 12-348-23(79712)
ప్రాగ్జ్యోతిషం పురం రంయం నానాధనసమన్వితం।
కుశస్థలీం నష్యిష్యామి హత్వా వై దానవోత్తమాన్॥ 12-348-24(79713)
`కృకలాస భూతం చ నృగం మోచయిష్యే చ వై పునః॥ 12-348-25(79714)
తత్ర పౌత్రనిమిత్తేన గత్వా వై శోణితం పురం।
వాణస్య చ పురం గత్వా కరిష్యే కదనం మహత్॥' 12-348-26(79715)
శంకరం రమహాసేనం బాణప్రియహితే రతం।
పరాజేష్యాంయథోద్యుక్తౌ దేవౌ లోకనమస్కృతౌ॥ 12-348-27(79716)
తతః సుతం బలేర్జిత్వా బాణం బాహుసహస్త్రిణం।
వినాశయిష్యామి తతః సర్వాన్సౌభనివాసినః॥ 12-348-28(79717)
యః కాలయవనః ఖ్యాతో గర్గతేజోభిసంవృతః।
భవిష్యతి వధస్తస్య మత్త ఏవ ద్విజోత్తమ॥ 12-348-29(79718)
`కంసం కేశిం తథాక్రూరమరిష్టం చ మహాసురం।
చాణూరం చ మహావీర్యం ముష్టికం చ మహాబలం॥ 12-348-30(79719)
ప్రలంబం ధేనుకం చైవ అరిష్టం వృషరూపిణం।
కాలీయం చ వశే కృత్వా యమునాయా మహాహ్రదే॥ 12-348-31(79720)
గోకులేషు తతః పశ్చాద్భవార్థే తు మహాగిరిం।
సప్తరాత్రం ధరిష్యామి వర్షమాణే తు వాసవే॥ 12-348-32(79721)
అపక్రాంతే తతో వర్షే గిరిమూర్ధ్నిం వ్యవస్థితః।
ఇంద్రేణ సహ సంవాదం కరిష్యామి తదా ద్విజ।
లఘ్వాచ్ఛిద్య ధనం సర్వం వాసుదేవం చ పౌండ్రకం॥' 12-348-33(79722)
జరాసంధశ్చ బలవాన్సర్వరాజవిరోధనః
భవిష్యత్యసురః స్ఫీతో భూమిపాలో గిరివ్రజే॥ 12-348-34(79723)
మమ బుద్ధిపరిస్పందాద్వధస్తస్య భవిష్యతి।
శిశుపాలం వధిష్యామి యజ్ఞే ధర్మసుతస్య వై॥ 12-348-35(79724)
`దుర్యోధనాపరాధేన యుధిష్ఠిరగుణేన చ।'
సమాగతేషు బలిషు పృథివ్యాం సర్వరాజసు॥ 12-348-36(79725)
వాసవిః సుసహాయో వై మమ త్వేకో భవిష్యతి।
యుధిష్ఠిరం స్థాపయిష్యే స్వరాజ్యే భ్రాతృభిః సహ॥ 12-348-37(79726)
ఏవం లోకా వదిష్యంతి నరనారాయణావృషీ।
ఉద్యుక్తౌ దహతః క్షత్రం లోకకార్యార్థమీశ్వరౌ॥ 12-348-38(79727)
`శస్త్రైర్నిపతితాః సర్వే నృపా యాస్యంతి వై దివం॥' 12-348-39(79728)
కృత్వా భారావతరణం వసుధాయా యథేప్సితం।
సర్వసాత్వతముఖ్యానాం ద్వారకాయాశ్చ సత్తమ॥ 12-348-40(79729)
కరిష్యే ప్రలయం ఘోరమాత్మజ్ఞానాభిసంశ్రయః।
`ద్వారకామాత్మసాత్కృత్వా సముద్రం గమయాంయహం॥ 12-348-41(79730)
తతః కలియుగస్యాదౌ ద్విజరాజతరుం శ్రితః।
భీషయా మాగధేనైవ ధర్మరాజగృహే వసన్॥ 12-348-42(79731)
కాషాయవస్రసంవీతో ముండితః శుక్లదంతవాన్।
శుద్ధోదనసుతో బుద్ధో మోహయిష్యామి మానవాన్॥ 12-348-43(79732)
శూద్రాః సుద్ధేషు భుజ్యంతే మయి బుద్ధత్వమాగతే।
భవిష్యంతి నరాః సర్వే బుద్ధాః కాషాయసంవృతాః॥ 12-348-44(79733)
అనధ్యాయా భవిష్యంతి విప్రా యాగవివర్జితాః।
అగ్నిహోత్రాణి సీదంతి గురుపూజా చ నశ్యతి॥ 12-348-45(79734)
న శృణ్వంతి పితుః పుత్రా న స్నుషా నైవ భ్రాతరః।
న పౌత్రా న కలత్రా వా వర్తంతేఽప్యధమోత్తమాః॥ 12-348-46(79735)
ఏవంభూతం జగత్సర్వం శ్రుతిస్మృతివివర్జితం।
భవిష్యతి కలౌ పూర్ణే హ్యశుద్ధో ధర్మసంకరః॥ 12-348-47(79736)
తేషాం సకాశాద్ధర్మజ్ఞా దేవబ్రహ్మవిదో నరాః।
భవిష్యంతి హ్యశుద్ధాశ్చ న్యాయచ్ఛలవిభాషిణః॥ 12-348-48(79737)
యే నష్టధర్మశ్రోతారస్తే సమాః పాపనిశ్చయే।
తస్మాదేతా న సంభాష్యా న స్పృశ్యా చ హితార్థిభిః।
ఉపవాసత్రయం కుర్యాత్తత్సంసర్గవిశుద్ధయే॥ 12-348-49(79738)
తతః కలియుగస్యాంతే బ్రాహ్మణో హరిపింగలః।
కల్కిర్విష్ణుయశః పుత్రో యాజ్ఞవల్క్యః పురోహితః॥ 12-348-50(79739)
తస్మిన్నాశే వనగ్రామే తిష్ఠేత్సోన్నాసిమో హయః।
సహయా బ్రాహ్మణాః సర్వే తైరహం సహితః పునః।
ంలేచ్ఛానుత్సాదయిష్యామి పాషణ్·డాంశ్చైవ సర్వశః॥ 12-348-51(79740)
పాషండశ్చ కలౌ తత్ర మాయయైవ వినశ్యతే।
పాషణ్·డకాంశ్చైవ హత్వా తత్రాంతం ప్రలయే హ్యహం॥ 12-348-52(79741)
తతః పశ్చాద్భవిష్యామి యజ్ఞేషు నిరతః సదా।
రాజ్యం ప్రశాసతి పునః కుంతీపుత్ర యుధిష్ఠిరే॥' 12-348-53(79742)
కర్మాణ్యపరిమేయాని చతుర్మూర్తిధరో హ్యహం।
కృత్వా లోకాన్గమిష్యామి స్వానహం బ్రహ్మసత్కృతాన్॥ 12-348-54(79743)
హంసః కూర్మశ్చ మత్స్యశ్చ ప్రాదుర్భావా ద్విజోత్తమ।
వరాహో నరసింహశ్చ వామనో రామ ఏవ చ।
రామో దాశరథిశ్చైవ సాత్వతః కల్కిరేవ చ॥ 12-348-55(79744)
యదా వేదశ్రుతిర్నష్టా మయా ప్రత్యాహృతా పునః।
సర్వదాః సశ్రుతీకాశ్చ కృతాః పూర్వం కృతే యుగే॥ 12-348-56(79745)
అతిక్రాంతాః పురాణేషు శ్రుతాస్తే యది వా క్వచిత్।
అతిక్రాంతాశ్చ బహవః ప్రాదుర్భావా మమోత్తమాః॥ 12-348-57(79746)
లోకకార్యాణి కృత్వా చ పునః స్వాం ప్రకృతిం గతాః।
న హ్యేతద్బ్రహ్మణా ప్రాప్తమీదృశం మమ దర్శనం॥ 12-348-58(79747)
యత్త్వయా ప్రాప్తమద్యేహ ఏకాంతగతబుద్ధినా।
ఏతత్తే సర్వమాఖ్యాతం బ్రహ్మన్భక్తిమతో మయా।
పురాణం చ భవిష్యం చ సరహస్యం చ సత్తమ॥ 12-348-59(79748)
భీష్మ ఉవాచ। 12-348-60x(6587)
ఏవం స భగవాందేవో విశ్వమూర్తిధరోఽవ్యయః।
ఏతావదుక్త్వా వచనం తత్రైవాంతర్దధే పునః॥ 12-348-60(79749)
నారదోఽపి మహాతేజాః ప్రాప్యానుగ్రహమీప్సితం।
నరనారాయణౌ ద్రష్టుం బదర్యాశ్రమమాద్రవత్॥ 12-348-61(79750)
ఇదం మహోపనిషదం చతుర్వేదసమన్వితం।
సాంఖ్యయోగకృతం తేన పంచరాత్రానుశబ్దితం॥ 12-348-62(79751)
నారాయంణముఖోదీతం నారదోఽశ్రావయత్పునః।
బ్రహ్మణః సదనే తాత యథాదృష్టం యథాశ్రుతం॥ 12-348-63(79752)
యుధిష్ఠిర ఉవాచ। 12-348-64x(6588)
ఏతదాశ్చర్యభూతం హి మాహాత్ంయం తస్య ధీమతః।
కిం వై బ్రహ్మా న జానీతే యతః శుశ్రావ నారదాత్॥ 12-348-64(79753)
పితామహోఽపి భగవాంస్తస్మాద్దేవాదనంతరః।
కథం స న విజానీయాత్ప్రభావమమితౌజసః॥ 12-348-65(79754)
భీష్మ ఉవాచ। 12-348-66x(6589)
మహాకల్పసహస్రాణి మహాకల్పశతాని చ।
సమతీతాని రాజేంద్ర సర్గాశ్చ ప్రలయాశ్చ హ॥ 12-348-66(79755)
సర్గస్యాదౌ స్మృతో బ్రహ్మా ప్రజాసర్గకరః ప్రభుః।
జానాతి దేవప్రవరం భూయశ్చాతోధికం నృప।
పరమాత్మానమీశానమాత్మనః ప్రభవం తథా॥ 12-348-67(79756)
యే త్వన్యే బ్రహ్మసదనే సిద్ధసంఘాః సమాగతాః।
తేభ్యస్తచ్ఛ్రావయామాస పురాణం వేదసంమితం॥ 12-348-68(79757)
అష్టావింశత్సహస్రాణి ఋషీణాం భావితాత్మనాం।
ఆత్మానుగామినాం బ్రహ్మా శ్రావయామాస తత్వతః।
ఏవం పురా ప్రాప్తమిదం భానునా మునిభాషితం॥ 12-348-69(79758)
వర్షషష్టిసహస్రాణి షష్టివర్షశతాని చ।
సూర్యస్య తపతో లోకాన్నిర్మితా యే పురఃసరాః।
తేషామకథయత్సూర్యః సర్వేషాం భావితాత్మనాం॥ 12-348-70(79759)
సూర్యానుగామిభిస్తాత ఋషిభిస్తైర్మహాత్మభిః।
మేరౌ సమాగతా దేవాః శ్రావితాశ్చేదనుత్తమం॥ 12-348-71(79760)
దేవానాం తు సకాశాద్వై తతః శ్రుత్వాఽసితో ద్విజః।
శ్రావయామాస రాజేంద్ర పితౄన్వై మునిసత్తమః॥ 12-348-72(79761)
మమ చాపి పితా తాత కథయామాస శంతనుః।
తతో మయాపి శ్రుత్వా చ కీర్తితం తవ భారత॥ 12-348-73(79762)
సురైర్వా మునిభిర్వాపి పురాణం యైరిదం శ్రుతం।
సర్వే తే పరమాత్మానం పూజయంతే సమంతతః॥ 12-348-74(79763)
ఇదమాఖ్యానమార్షేయం పారంపర్యాగతం నృప।
నావాసుదేవభక్తాయ త్వయా దేయం కథంచన॥ 12-348-75(79764)
`ఆఖ్యానముత్తమం చేదం శ్రావయేద్యః సదా నృప।
తదైవ మనుజో భక్తః శుచిర్భూత్వా సమాహితః।
ప్రాప్నుయాదచిరాద్రాజన్విష్ణులోకం చ శాశ్వతం॥' 12-348-76(79765)
మత్తోన్యాని చ తే రాజన్నుపాఖ్యానశతాని వై।
యాని శ్రుతాని సర్వాణి తేషాం సారోయముద్ధృతః॥ 12-348-77(79766)
సురాసురైర్యథా రాజన్నిర్మథ్యామృతముద్ధృతం।
ఏవమేతత్పురా విప్రైః కథామృతమిహోద్ధృతం॥ 12-348-78(79767)
యశ్చేదం పఠతే నిత్యం యశ్చేదం శృణుయాన్నరః।
ఏకాంతభావోపగత ఏకాంతే సుసమాహితః॥ 12-348-79(79768)
ప్రాప్య శ్వేతం మహాద్వీపం భూత్వా చంద్రప్రభో నరః।
స సహస్రార్చిపం దేవం ప్రవిశేన్నాత్ర సంశయః॥ 12-348-80(79769)
ముచ్యేదార్తస్తథా రోగాచ్ఛ్రుత్వేమామాదితః కథాం।
జిజ్ఞాసుర్లభతే కామాన్భక్తో భక్తగతిం వ్రజేత్॥ 12-348-81(79770)
త్వయాపి సతతం రాజత్రభ్యర్చ్యః పురుషోత్తమః।
స హి మాతా పితా చైవ కృత్స్నస్య జగతో గురుః॥ 12-348-82(79771)
బ్రహ్మణ్యదేవో భగవాన్ప్రీయతాం తే సనాతనః।
యుధిష్ఠిర మహాబాహో మహాబుద్ధిర్జనార్దనః॥ 12-348-83(79772)
వైశంపాయన ఉవాచ। 12-348-84x(6590)
శ్రుత్వైతదాఖ్యానవరం ధర్మరాడ్జనమేజయ।
భ్రాతరశ్చాస్య తే సర్వే నారాయణపరాభవన్॥ 12-348-84(79773)
జితం భగవతా తేన పురుషేణేతి భారత।
నిత్యం జప్యపరా భూత్వా సారస్వతముదీరయన్॥ 12-348-85(79774)
యో హ్యస్మాకం గురుః శ్రేష్ఠః కృష్ణద్వైపాయనో మునిః।
జగౌ పరమకం జప్యం నారాయణముదీరయన్॥ 12-348-86(79775)
గత్వాంతరిక్షాత్సతతం క్షీరోదమమృతాశయం।
పూజయిత్వా చ దేవేశం పునరాయాత్స్వగాశ్రమం॥ 12-348-87(79776)
భీష్మ ఉవాచ। 12-348-88x(6591)
ఏతత్తే సర్వమాఖ్యాతం నారదోక్తం మయేరితం।
పారంపర్యాగతం హ్యేతత్పిత్రా మే కథితం పురా॥ 12-348-88(79777)
సౌతిరువాచ। 12-348-89x(6592)
ఏతత్తే సర్వమాఖ్యాతం వైశంపాయనకీర్తితం।
జనమేజయేన తచ్ఛ్రుత్వా కృతం సంయగ్యథావిధి॥ 12-348-89(79778)
యూయం హి తప్తతపసః సర్వే చ చరితవ్రతాః।
శౌనకస్య మహాసత్రం ప్రాప్తాః సర్వే ద్విజోత్తమాః। 12-348-90(79779)
యజధ్వం సుహుతైర్యజ్ఞైః శాశ్వతం పరమేశ్వరం।
పారంపర్యాగతం హ్యేతత్పిత్రా మే కథితం పురా॥ ॥ 12-348-91(79780)

ఇతి శ్రీమన్మహాభారతే శాంతిపర్వణి మోక్షధర్మపర్వణి నారాయణీయే అష్టచత్వారింశదధికత్రిశతతమోఽధ్యాయః॥ 348॥

Mahabharata - Shanti Parva - Chapter Footnotes

12-348-2 రామశ్చ కృష్ణః కల్కీ చ తే దశేతి థ. పాఠః॥ 12-348-6 యజ్ఞఘ్నం బలగర్వితమితి ధ. పాఠః॥ 12-348-9 అదిత్యాం ద్వాదశాదిత్య ఇతి ఝ. పాఠః॥ 12-348-15 తతః కృతయుగే ప్రాప్తే ద్వాత్రింశద్యుగపర్యయే। భవిష్యామి ఋషిస్తత్ర జమదగ్నికులోద్భవః। ఇతి ధ. పాఠః॥ 12-348-19 రావణం దృప్తం సర్వలోకైకకంటకమితి ట. పాఠః॥ 12-348-21 ద్వపారస్య కలేశ్చైవ అష్టార్విశచ్చతుర్యుగే। ప్రాదుర్భావం కరిష్యామి భూయో వృష్ణికులోద్భవః। మధురాయాం కంసహేతోర్వాసుదేవేతి నామతః। తృతీయో రామ ఇత్యేవ వసుదేవసుతో బలీతి థ. ధ. పాఠః। కలేశ్చైవ అష్టార్విశచ్చతుర్యుగే ఇతి ధ. పాఠః॥ 12-348-58 ఈదృశం బ్రహ్మదర్శనమితి ధ. పాఠః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.